Angel Di Maria ha absolvì avant dus dis en in institut a Catar ch’è collià cun il PSG il test medicinal. Oz ha el suttascrit a Paris in contract sur quatter onns. Cun ina summa da transfer da 63 milliuns euros è Di Maria il segund char giugader en l’istorgia da la Ligue 1. Per ses collega d’equipa Edinson Cavani aveva il PSG pajà 64 milliuns euros.
«Jau sun fitg cuntent davart mia midada tar il PSG», di Di Maria envers medias argentinas. El lessi gidar il club franzos d’era avair success en la Champions League.
Angel Di Maria aveva midà pir avant in onn da Real Madrid tar Manchester United, quai per ina summa da transfer da 75 milliuns euros. Tar Manu n’han Di Maria dentant mai propi pudì persvader.
RR novitads 16.00