Ils organisatur han in'ura avant il cumenzament da la cursa decidì d'annular las cursa quai pervi da navaglias. Gia avant che dir giu la cursa è la partenza vegnida spustada. La FIS ha lura decidì d'annular la cursa per motivs da segirtad.
Spustar la cursa sin il suentermezdi n'è betg stà pussaivel perquai ch'intgins teams han gia organisà sgols en la Svezia. Il glindesdi cumenzan il campiunadi mundial ad Are.
Feuz, Caviezel e Hintermann a la cursa rapida
Suenter che la cursa rapida dals umens a Garmisch Partenkirchen è annullada èsi cler che Beat Feuz, Mauro Caviezel e Niels Hintermann pon far la cursa rapida dal campiunadi mundial ad Are il 9 da favrer. Per las ulteriuras duas plazzas da partenza per la Svizra vegnan en dumonda Carlo Janka, Gilles Roulin e Marco Odermatt. Tenor il schef da disciplina, Andy Evers, vegn decidì suenter il super-G davart il proceder da selecziun.
RR novitads 11:00