Annullà cursa rapida d'umens a Santa Caterina

La cursa rapida dals umens dad oz a Santa Caterina è vegnida annullada pervi da ferm vent. La cursa na vegn betg pli prendida suenter questa stagiun.

Sco la Federaziun internaziunala da skis scriva vegn la cumbinaziun ch'è planisada per damaun manada atras sco planisada. Da spustar uss la cursa rapida sin venderdi n'èra betg pussaivel quai perquai ch'ils emetturs da televisiun na vulevan betg quai.

La cursa rapida era vegnida spustada duas giadas per mintgamai ina mes’ura. Ultra da quai era il start vegnì fixà pli engiu.

RR novitads 12:00