Beat Feuz, il defensur dal titel è vegnì sco meglier Svizzer 6avel en l’emprim trenament da la cursa rapida dals umens al campiunadi mundial ad Are. El ha pers stgars 60 tschientavels sin il meglier temp. Quel ha realisà l’Austriac Matthias Mayer, avant ses cumpatriot Hannes Reichelt. Sin las plazzas 3 fin 6 èn ils Norvegiais Aleksander Kilde, Kjetil Jansrud ed Aksel Svindal.
Carlo Janka terminescha quest emprim trenament per la cursa rapida sco 9avel ed è uschia stà il pli svelt dal trio svizzer che cumbatta per ils dus plazs restants en la rapida. Ils auters dus, Gilles Roulin e Marco Odermatt, èn stads 7 dieschavels respectiv 1,4 secundas pli plauns ch'il da Sursaissa. Roulin è vegnì 27avel, Odermatt 39avel.
Sper Feuz han Mauro Caviezel ch'è vegnì 12avel e Niels Hinterman, sin il 19avel plaz lur plaz segir ella rapida mundiala che vegn decidida sonda ad Are
La cursa rapida dals umens è sonda.
RR novitads 14:00
