Siglir tar il cuntegn

Header

cuntegn

Are 2019 6 skiunzas e skiunzs grischuns èn selecziunads per Are

Per il campiunadi mundial da skis ad Åre ha Swiss-Ski selecziunà tut en tut 14 umens ed 8 dunnas. Tranter ils selecziunads èn er 5 Grischuns ed ina Grischuna.

Umens: Luca Aerni (25/Grosshöchstetten), Gino Caviezel (26/Lai), Mauro Caviezel (30/Lai), Beat Feuz (31/Schangnau), Niels Hintermann (23/Hausen), Carlo Janka (32/Sursaissa), Loïc Meillard (22/Hérémence), Tanguy Nef (22/Genf), Marco Odermatt (21/Hergiswil), Gilles Roulin (24/Grüningen), Sandro Simonet (23/Lai), Thomas Tumler (29/Samnaun), Daniel Yule (25/Branche-d'en Haut), Ramon Zenhäusern (26/Visp)

Dunnas: Aline Danioth (20/Andermatt), Andrea Ellenberger

(25/Hergiswil), Jasmine Flury (25/Serneus), Joana Hählen (27/Lenk), Lara

Gut-Behrami (27/Comano), Wendy Holdener (25/Unteriberg), Elena Stoffel

(22/Unterbäch), Corinne Suter (24/Schwyz).

Janka è anc dumandà

Betg tut ils selecziunads han però dumagnà la norma – da dumagnar in resultat tranter ils 7 megliers u dus tranter ils 15 megliers. Tranter els tutga er Carlo Janka. Per la cursa rapida ed il super-G ha il skiunz da Sursaissa be ademplì la mesadad dals criteris.

Tgi èn ils gronds trumfs?

Beat Feuz è senza dubi la gronda speranza svizra ad Are. Il Bernais vegn ad ir a la partenza da la cursa rapida sco grond favurit. Questa stagiun ha Feuz fatg en tschintg da sis cursas il sigl sin il podest.

Tar las dunnas vegn surtut spetgà insatge da Wendy Holdener. E quai en pliras disciplinas. La giuvna da 25 onns è tant en il slalom sco er en la cumbinaziun in'aspiranta per ina medaglia.

Il campiunadi mundial ad Are è dals 4 fin ils 17 da favrer.

RR novitads 17:00

Artitgels legids il pli savens