Igl è stà trais giadas il medem purtret. Wendy Holdener ha manà en avantatg la Svizra en l'emprim percurs. Suenter n'han Daniel Yule ed Aline Danioth pers lur cursas cunter ils Austriacs en il final, avant er cunter la Germania en il mezfinal e cunter la Svezia en il quartfinal. Ramon Zenhäusern ha dentant er sco avant en il quartfinal ed en il mezfinal pudì spendrar la victoria a la Svizra. Il team svizzer ha pudì far aur, davant l'Austria che gudogna argient e l'Italia che ha pudì ir per Bronz.
L'entschatta hai anc dà confusiun enturn la medaglia da bronz, ma la Germania è vegnida disqualifitgada. Linus Strasser era sa pendì en tar ina pitga.
RR novitads 18:00