Carlo Janka ha declassà sia concurrenza ils 13 da favrer 2009. Gia suenter l’emprim percurs era il skiunz grischun a la testa. A la fin è el stà 71 tschientavels pli spert ch'il segund Benjamin Raich ed ina secunda pli spert ch'il terz Ted Ligety.
10 onns suenter quest grond success n’è natiralmain betg tut pli preschent a Carlo Janka. Tuttina sa regorda el anc vid quest di ch'ha midà bler en sia vita: «Ins era anc giuvens e na fascheva betg da memia quitads».
«Iceman» nascha
En memoria resta era co Carla Janka ha giubilà cu el è vegnì en l'arrivada ed ha realisà ch'el è campiun mundial. Curt il pugn ad aut e bun èsi stà. Il skiunz, ch'aveva 22 onns tar ses emprim grond titel, n'è betg quel ch'ha mussà las bleras emoziuns. Perquai survegn el da las medias il surnum «Iceman» – in surnum ch'el ha salvà fin oz.
RR actualitad 17:00