IL tip magic cunter la fradaglia n'han er betg ils Svedais e las Svedaisas. Els sajan bain disads cun temperaturas da minus 5 enfin minus 30 grads durant ils mais d'enviern, ma immun cunter il fraid na sajan er els betg. Els recumandada:
- tecnica da tschagula: trair en avunda resti in sur l'auter
- la dretga bavronda: saja quai la tschigulatta chauda u il drink spezial cun alcohol
- star en moviment, sautar u far la tecnica da pinguin – vul dir muventar la bratscha si e giu sco ils pinguins
- last but not least: restar happy e cuntent e reparter in u l'autra branclada.
Ils campiunadis èn averts
Cun ina curta ceremonia han cumenzà il glindesdi saira ils 45avels campiunadis mundials da skis en la Svezia. Il motto da la festa d’avertura ad Are è stà «Inspire the World to Ski», declerà per averta la festa da skis ha il president da la FIS Gian Franco Kasper.
Avant aveva ina delegaziun cun Hugo Wetzel, il president dal comité d’organisaziun dal 2017 a San Murezzan, surdà la bandiera dals campiunadis mundials a Kasper. Quella ha el lura dà enavant a Niklas Carlsson, il president dal comité d’organisaziun ad Are. Ils campiunadis mundials cun 11 cursas han lieu fin ils 17 da favrer. Radund 600 atlets ed atletas da 76 naziuns sa participeschan.
RR novitads 20:00