Are 2019 - Illuminaziun dapertut per remplazzar in zic il sulegl

1 / 4

Legenda: Pli bleras glischs e pli gugent: Ils Svedais amian d'illuminar lur da chasa. RTR, Selina Chistell

2 / 4

Legenda: Ulrika Kantermo maina ad Are ed a Stockholm ina stizun d'illuminaziun. RTR, Selina Chistell

3 / 4

Legenda: Lampas da tuttas colurs e grondezzas. RTR, Selina Chistell

4 / 4

Legenda: Glischs sco da Nadal - bleras las plantas ad Are èn illuminadas. RTR, Selina Chistell

Sch’ins va per il vitg dad Are enturn sche croda en egl ch’i ha dapertut chadainas cun lampas ed illuminaziuns da tuttas sorts. Sch’i fiss betg favrer pudess’ins pensar ch’ils Svedais han simplamain emblidà da demontar la decoraziun da Nadal.

audio

Bunura: Are 2019 – L'impurtanza da lampas en Svezia

02:24 min, ord Actualitad dals 12.02.2019.

laschar ir. Durada: 2 minutas 24 Secundas.

Ma si en il nord saja quai normal ch’il spazi public ma er las chasas privatas e biros vegnan illuminads e quai en tuttas modas e manieras, uschia declera Ulrika Kantermo che posseda ad Are ed er a Stockholm ina stizun d’illuminaziun. Per ils Svedais e las Svedaisas saja er impurtant che la glisch saja ina glisch chauda, glischs fitg cleras u glischs blauas na giajan betg.

Er chandailas èn popularas en Svezia

Betg be installaziuns da lampas amian ils Svedais mabain er chandailas. Er Ulrika Kantermo sezza prenda cun ella – emporta betg nua – adina chandailas per stgaffir in'atmosfera cumadaivla sco a chasa.

RR actualitad 07:00