Siglir tar il cuntegn
cuntegn

Are 2019 Ils Svedais mangian glatsch er en tutta fradaglia

Er durant ils mais fraids d'enviern giaudan Svedaisas e Svedais glatsch – i na saja mai memia fraid per glatsch.

Sch'ins va per Are enturn ves'ins reclamas, stizuns e pasternarias che fan amogna glatsch. Ed adina puspè ves'ins era persunas pachetadas en giaccas grossas, guants e chapitschas che mangian glatsch. Per Svedais saja quai mai memia fraid per glatsch, quai di in'indigena ed er la pasternera Nicolina Texén che fa sezza glatsch. Els vendian sur onn il dessert fraid – durant l'enviern sa chapescha schon betg ton sco la stad, ma ch'ils Svedais mangian durant ils mais fraids er glatsch, saja tut normal.

Tenor statistica èn ils abitants e las abitantas dals pajais scandinavs, quels che mangian il pli bler glatsch. La Finlanda, la Norvegia e la Svezia mainan la statistica avant l'Italia.

RR actualitad 11:00