Il Grischun e Gilles Roulin pon ir a la partenza da la cursa rapida. Quai ensemen cun il defensur dal titel Beat Feuz, Mauro Caviezel e Niels Hintermann. Per Marco Odermatt n'hai cun quai betg tanschì.
En il segund trenament è Carlo Janka, sco sisavel stà il pli ferm Svizzer. Janka ha pers 0,27 secundas sin il meglier temp ch'è vegnì realisà dal campiun mundial en il super-G, Dominik Paris. Cun Gilles Roulin è in segund Svizzer vegnì en ils top 10. A Beat Feuz n'èsi betg gartegià da tegnair pitg cunter ils megliers. Sco 28avel ha el pers stgars ina secunda sin ils pli svelts. Mauro Caviezel è stà 21avel, Niels Hintermann è stà 43avel.
Cursa rapida scursanida
Il segund trenament dals umens è stà anc pli curt che l'emprim. Ils umens han sulet pudì ir la part amez da la pista. En la part sura hai gì memia blera tschajera e la part sut è stada serrada pervi da la cumbinaziun da las dunnas. La cursa ha lieu sonda a las 12:30.
RR novitads 15:00++
