Siglir tar il cuntegn

Header

Navigaziun

Wendy Holdener
Legenda: Wendy Holdener vul defender sia medaglia dad aur en la cumbinaziun. Keystone
cuntegn

Are 2019 La defensura dal titel è la gronda favurita

Wendy Holdener ha gia gudagnà tschintg medaglias ad eveniments gronds. Tranter auter aur en la cumbinaziun alpina avant dus onns a San Murezzan. Cler ch'ella vul defender quest titel.

Wendy Holdener è ina da las unicas atletas en la cuppa mundiala che po esser sperta en mintga disciplina. Uschia èsi mo cler che Wendy Holdener tutga tar ina da las favuritas en la cumbinaziun. En il slalom tutga la skiunza da 25 onns dapi onns tar l'elita. E cunquai ch'ella ha persvas ier en il davos trenament da la rapida (ella è vegnida segunda), è ella vegnida declerada sco la gronda favurita per la cumbinaziun dad oz.

L'experientscha gida

Il 2017, tar ils campiunadis mundials a San Murezzan, ha Wendy Holdener gudagnà aur en la cumbinaziun ed argient en il slalom. Plinavant ha ella gudagnà trais medaglias als gieus olimpics a Pyeongchang il 2018.

Uss hai num da restar lucca.
Autur: Wendy Holdener

La skiunza dal chantun Sviz na senta perquai betg tant squitsch ad Are sco als ultims eveniments gronds. Ils success a campiunadis mundials ed a gieus olimpics ils ultims onns hajan dà bler confidenza ad ella.

RR actualitad 07:00