Siglir tar il cuntegn
cuntegn

Are 2019 La Grischuna ha las qualitads da dumagnar sin il podest

Il campiunadi mundial ad Are cumenza a las 12:30 uras cun il super-G da las dunnas. Ina da las quatter Svizras a la partenza è Jasmine Flury da Tavau. La giuvna da 25 onns è questa stagiun gia duas giadas stada classada en ils top 5 dad in super-G. Ella ha pia la qualitad da far furora.

Jasmine Flury
Legenda: Jasmine Flury è ad Are per la segunda giada en sia carriera ad in campiunadi mundial. Keystone

Il december è Jasmine Flury vegnida quarta a Val Gardena ed il schaner a Cortina d'Ampezzo è ella ida sin il tschintgavel plaz. La giuvna da Tavau ha mussà ch'ella po tegnair pitg cun las meglras, sch'ella ha in bun di. Il problem da Jasmine Flury è savens la constanza. Uschia è ella per exempel vegnida mo 36avla en il super-G dal december a San Murezzan. Curt avant la cursa fascheva ella dentant in'impressiun lucca.

Jau na stoi inventar nagut da nov – simplamain fidar da mias abilitads e dar tut.
Autur: Jasmine Fluryskiunza svizra

Lara Gut-Behrami è la gronda speranza Svizra

La suletta Svizra che ha fatg questa stagiun il sigl sin il podest en in super-G è Lara Gut-Behrami. A San Murezzan è ella vegnida segunda ed a Garmisch terza. Sper Jasmine Flury e Lara Gut vegnan era anc Wendy Holdener e Corinne Suter ad empruvar da cumbatter per las medaglias.

RR actualitad 12:00