Are 2019 - Las davosas preparativas per Are 2019

1 / 6

Legenda: Las chasas tipicas scandinavas amez Are. RTR, Selina Chistell

2 / 6

Legenda: Sper las sutgeras datti era ina denticulara amez il vitg dad Are. RTR, Selina Chistell

3 / 6

Legenda: Ils voluntaris vestgids en cotschen èn da vesair dapertut. RTR, Selina Chistell

4 / 6

Legenda: Sin la plazza da medaglias vegn anc lavurà dus dis avant ch'i va liber ad Are. RTR, Selina Chistell

5 / 6

Legenda: Il center dal sport da ski alpin per las proximas duas emnas – la plazza da medaglias ad Are. RTR, Selina Chistell

6 / 6

Legenda: La delegaziun svizra spera da pudair festivar en il House of Switzerland inqual medaglia. RTR, Selina Chistell

Ils voluntaris sa vestgeschan en lur dress cotschen alvs, ils schurnalists sa radunan en il center da medias, ils organisaturs èn vid bajegiar si las glischs e la tecnica sin la plazza da medaglias. Anc stoi vegnir fatg qua e là tschertas lavurs. Atmosfera da campiunadi mundial è uss anc betg denturn.

audio

Saira: CM Are – Las ultimas preparaziuns avant ils campiunadis

06:02 min, ord Sportissimo dals 03.02.2019.

laschar ir. Durada: 6 minutas 2 Secundas.

Fradaglia murdenta

Actualmain sa mussa Are che giascha sin 400 meters sur mar anc betg da sia bella vart. L'aura è grischa e frestga tar -15°C e ferm vent. Manar atras ina cursa tar quellas cundiziuns fiss ina gronda sfida, per l'ina è la vista schleta e per l'autra impediss il vent probablamain ina concurrenza faira.

I duess dentant vegnir meglier cun l'aura. Per l'entschatta da l'autra emna cun il cumenzament da las cursas spetga SRF Meteo aura stabila cun sulegl, bell'aura e ch'i restia stabil senza gronds vents. Uschia ch'i vesa ora bain per l'emprima cursa – il super-G da las dunnas ch'è mardi da mezdi.

RR Sportissimo 17:00