- Kjetil Jansrud (NOR) 1:19,98
- Aksel Svindal (NOR) +0,02
- Vincent Kriechmayr (AUT) +0,33
Dus Svizzers en top 10
Sper Beat Feuz ch'è sin il quart plaz ha er Mauro Caviezel dumagnà in resultat tranter ils megliers diesch skiunzs. El ha in retard da 0,83 secundas. Ils ulteriurs skiunzs svizzers han pers bler temp sin l'emprim. Niels Hintermann è vegnì 21avel (+1,47), Carlo Janka 35avel (+2,40) e Gilles Roulin 36avel (+2,41).
Ferm vent e nivels
La cursa rapida ha cumenzà tar la partenza dal Super-G. Cun radund 1:20 minutas èsi stà plitost ina curta cursa rapida. La raschun è ch'i aveva dà blera naiv nova sisum la pista originala. Uschia n'esi betg stà pussaivel da preparar la pista e da laschar far in trenament sin quest tschancun.
Il vent ha buffà spezialmain sin la spunda avant l'arrivada. Plinavant n'è la vista betg stada tar tuts tuttina buna u mala. L'avantmezdi n'eri anc betg cler sch'ins possia insumma manar tras ina cursa rapida.
RR novitads 10:00++