Siglir tar il cuntegn

Header

cuntegn

Are 2019 «Odermatt e Tumler n'han betg gì la preperaziun optimala»

Quai ha declerà Marc Berthod, expert da skis tar SRF. Persuenter haja Mauro Caviezel bunas cartas per il super-G.

Blers atlets svizzers han gì in viadi turbulent enfin ad Are. Ils ins han stuì prender pliras giadas chatsch enfin ch'els han propi pudì sgular en direcziun Svezia, lura èn els er anc stads pendids a Stockholm ed han per part stuì prender il tren enfin Are. Era il material è per part pir arrivà mardi da mezdi. Quai saja sa chapescha tut auter ch'ina preparaziun ideala, conceda l'expert da skis tar SRF ed anteriur skiunz Marc Berthod.

audio
Mezdi: Are 2019 – Prevista sin il super-G dals umens
ord Actualitad dals 06.02.2019.
laschar ir. Durada: 2 minutas 38 Secundas.

Gist il Grischun Thomas Tumler ed il Sutsilvan Marco Odermatt hajan gì gronda disfortuna. Els èn pir arrivada bun 40 uras avant la cursa ed han pir survegnì lur material mardi da mezdi. Berthod spera dentant ch'els hajan uschia fatg pli paucs quitads per la cursa e pli blers per lur bagascha.

«Mauro Caviezel sin plaz trais»

Purtret da Mauro Caviezel.
Legenda: Marc Berthod crai che Mauro Caviezel ha bunas schanzas per ina plazza sin il podest. Keystone

Era tar Mauro Caviezel n'ha betg tut funcziunà cun il viadi ad Are. Tuttina è il Grischun arrivà 1 di avant ses dus collegas d'equipa als campiunadis mundials. E Marc Berthod spetga da bler da Mauro Caviezel. Oravant tut en il super-G dad oz. «Mes tip per la cursa è che Matthias Mayer gudogna avant Aksel Lund Svindal e Mauro Caviezel». Il grischun haja en mintga cas la schanza dad ir per ina medaglia.

RR actualitad 12:00

Artitgels legids il pli savens