Siglir tar il cuntegn

Header

cuntegn

Are 2019 Puspè nagina medaglia per ils umens svizzers

Resultats finals:

  1. Alexis Pinturault 1:47,71
  2. Stefan Hadalin + 0,24
  3. Marco Schwarz + 0,46

audio
Saira: Are 2019 – Analisa da la cumbinaziun
ord Actualitad dals 11.02.2019.
laschar ir. Durada: 3 minutas 59 Secundas.

Carlo Janka na dumogna betg da tegnair cun cun ses collega da team. El perda gia en l'emprima part dal slalom bler temp. Er suenter n'èsi betg vegnì meglier. Il Grischun croda enavos per passa duas secundas (+2,13) e vegn 18avel.

Mauro Caviezel ha pudì tegnair cun durant l'emprima mesadad dal slalom. Là ha el pers prest nagin temp envers Pinturault. En l'ultim toc ha el dentant fatg in sbagl memia bler e croda enavos sin plazza 7 (+0,86). Cun quai fa el il meglier resultat dals Svizzers.

Luca Aerni ha cumenzà bain la cursa ed è suenter la mesadad anc stà davant Pinturault. En la part sut dal slalom è el dentant stà memia lunsch davent da las portas ed ha uschia pers bler temp. El perda passa ina secunda (+1,02) sin ils megliers e vegn 8avel.

Era Niels Hintermann na po betg tegnair cun cun ils megliers. Tar el hai dà passa duas secundas (+2,3) retard sin ils megliers. Quai tanscha be per plazza 23.

Sandro Simonet vegn anc da far bun intginas plazzas en il slalom. Er el na vegn betg da procurar per l'exploit svizzer. El ha in retard da 2,52 secundas e vegn 26avel.

audio
Saira: Are 2019 – Intervista cun Sandro Simonet
ord Actualitad dals 11.02.2019.
laschar ir. Durada: 2 minutas 17 Secundas.

Resultads da la cursa rapida

A la testa eran bain tut ils spezialists da la cursa rapida, dentant cun quai che la cursa è vegnida scursanida pervia da l'aura valevan ils spezialists da slalom sco favurits sin la victoria finala. Oravant tut ils franzos Victor Muffant-Jeandet ed Alexis Pinturault u l'austriac Marco Schwarz han valì sco gronds favurits ed han Pinturault e Schwarz èn era sa classads sin il podest.

  • 1. Dominik Paris 1:07,27
  • 2. Ryan Cochran +0,03
  • 3. Aleksander Kilde +0,38

Ils Svizzers:

  • 7. Carlo Janka +0,60
  • 8. Mauro Caviezel +0,63
  • 13. Niels Hintermann +0,89
  • 20. Luca Aerni +1,23
  • 31. Sandro Simonet +1,92

Il defensur dal titel è cuntent

Il defensur dal titel en la cumbinaziun, Luca Aerni, è suenter la cursa rapida sin plazza 20. El sez è stà cuntent cun la cursa enfin qua.

Cursa è vegnida spustada pervia da vent

Danovamain è ina cursa al campiunadi mundial da skis ad Are vegnida spustada pervia da l'aura. Pervia da ferms vents è la partenza en la cumbinaziun vegnida spustada sin las 12:00. Il slalom sin las 16:00.

audio
Mezdi: Are 2019 – Cundiziuns d'aura sa meglieradas
ord Actualitad dals 11.02.2019.
laschar ir. Durada: 2 minutas 43 Secundas.

Per la Svizra è partì a la cursa il quintet da Carlo Janka, Mauro Caviezel, Niels Hintermann, Luca Aerni e Sandro Simonet.

RR novitads 10:00+

Artitgels legids il pli savens