Hockey sin glatsch, ir cun skis, far passlung u forsa perfin dar ballape? Sch’ins va per las vias ad Are e dumonda, tge ch'è il sport il pli popular en Svezia, lura survegnan ins bleras differentas respostas.
Cler, en in lieu turistic sco Are, ch'è situà amez la Svezia, è il ski alpin il sport il pli popular. Dentant na saja quai betg il cas en tut las regiuns. Quai declera Mariell Selander che lavura en ina stizun da sport amez Are. Tenor ella saja la fevra da hockey u da passlung pli pauc gronda ad Are – en las regiuns dal nord u en il sid saja quai dentant tut auter. Là giajan blers sin las loipas e dettian hockey u persequiteschian ils gieus da hockey sin glatsch.
RR actualitad 17:00