- 1. Mikaela Shiffrin 1:04,89
- 2. Sofia Goggia +0,02
- 3. Corinne Suter+ 0,05
Corinne Suter ha gì ina fitg buna cursa. Sco Goggia e Shiffrin ha ella mussà ina cursa fitg aggressiva, ha dentant er fatg in pitschen sbagl. Quel ha custà ella 5 tschientavels sin l'emprima, l'Americana Mikaela Shiffrin. Sin la segunda ha ellà gì 3 tschientavels retard. Uschia ch'igl ha anc tanschì per bronz.
Jasmine Flury ha gì discletg. La Grischuna ha pudì partir cun il numer 1, ha dentant manchentà suenter radund 30 secundas ina porta. Ella era ida memia direct encunter la porta avant ed uschia n'hai betg pli tanschì per la proxima.
Lara Gut ha fatg ina cursa solida ed ha cumenzà bain. Ella n'ha dentant betg pudì purtar ses avantatg da l'emprima mesiraziun fin en l'arrivada. La finala è ella sa tschentada sin plaz 9. Er per Wendy Holdener n'hai betg tanschì per il podest. Ella ha incassà passa ina secunda retard sin l'emprima. Per ella hai anc tanschì per plaz 14.
RR novitads 14:00