Siglir tar il cuntegn

Header

cuntegn

Are 2019 Terz trenament da la cursa rapida: 4 skiunzas tranter meglras 10

Las skiunzas svizras han persvadì en il terz trenament per la cursa rapida da la dumengia al campiunadi mundial ad Are.

Sin il traject scursanì è Wendy Holdener vegnida sco meglra Svizra segunda. Ella ha pers 9 tschientavels sin il meglier temp che l'Austriaca Stephanie Venier ha realisà. Venier ha dentant laschà ora ina porta. Uschia parta Holdener sco top favurita en la cumbinaziun da damaun.

Segund meglra Svizra è vegnida Corinne Suter sco 6avla. Era Joana Hählen e Lara Gut-Behrami èn arrivadas en las top diesch sco 7avla respectivamain 8avla. Jasmine Flury è vegnida 21avla.

Pervi dal vent aveva il traject stuì vegnir scursanì. Intginas skiunzas n'han betg fatg il trenament, tranter auter er Lindsey Vonn.

RR novitads 12:00

Artitgels legids il pli savens