Siglir tar il cuntegn

Header

cuntegn

Are 2019 Uras per medaglia dals umens ad Are

Il Grischun e Gilles Roulin pon ir a la partenza da la cursa rapida. Quai ensemen cun il defensur dal titel Beat Feuz, Mauro Caviezel e Niels Hintermann. Per Marco Odermatt n'hai cun quai betg tanschì.

En il segund trenament è Carlo Janka, sco sisavel stà il pli ferm Svizzer. Janka ha pers 0,27 secundas sin il meglier temp ch'è vegnì realisà dal campiun mundial en il super-G, Dominik Paris. Cun Gilles Roulin è in segund Svizzer vegnì en ils top 10. A Beat Feuz n'èsi betg gartegià da tegnair pitg cunter ils megliers. Sco 28avel ha el pers stgars ina secunda sin ils pli svelts. Mauro Caviezel è stà 21avel, Niels Hintermann è stà 43avel.

audio
Bunura: Are 2019 – Temp per ina medaglia dals umens
ord Actualitad dals 09.02.2019.
laschar ir. Durada: 2 minutas 21 Secundas.

Cursa rapida scursanida

Il segund trenament dals umens è stà anc pli curt che l'emprim. Ils umens han sulet pudì ir la part amez da la pista. En la part sura hai gì memia blera tschajera e la part sut è stada serrada pervi da la cumbinaziun da las dunnas.

Per la rapida dals umens datti 3 variantas: Sche l'aura avess da vegnir megliera dessi la damaun in trenament e suenter la cursa dal start original anora. (12.30) Sche nà fiss la partenza tar il start dal Super-G e sche las cundiziuns na lubessan er betg quai, fissan tant la cursa da las dunnas sco era quella dals umens la dumengia.

RR novitads 15:00++

Artitgels legids il pli savens