Beat Feuz è actualmain il pli constant skiunz en la cursa rapida. En tschintg da sis cursas è el stà sin podest questa stagiun. Cler ch'il Bernais è era in dals gronds favurits per il titel da campiun mundial. La finamira da Feuz è da defender ses titel da San Murezzan.
Dus Grischuns vulan era far furora
Dal quintet svizzer èn dus atlets dal chantun Grischun: Mauro Caviezel e Carlo Janka. Omadus quintan cun ina cursa fitg uliva cun pitschnas distanzas da temp. Caviezel sco era Janka speran dentant da savair tegnair pitg cun ils megliers. Sche la furma dal di constat è segir bler pussaivel per ils dus grischuns.
RR actualitad 08:00