Siglir tar il cuntegn

Header

Giulia Steingruber
Legenda: Giulia Steingruber ha era persvas a l'ultim di dal campiunadi. Keystone
cuntegn

Naziunal/Internaziunal Argient per Baumann – bronz per Steingruber

Medaglias svizras tut a dubel al campiunadi d'Europa da gimnastica a Montpellier en Frantscha. Christian Baumann ha gudagnà argient a la barra, Giulia Steingruber bronz en la gimnastica per terra.

Christian Baumann ha partì il segund plaz cun Marius Berbecar da la Rumenia ch'ha gì exact tuttina blers puncts. Gudagnà aur ha Oleg Wernjajew da l'Ucraina.

Giulia Steingruber è vegnida battida mo da la nova campiunessa d'Europa Claudia Fragapane e da la russa Xenia Afanaseva.

Set cumplet da medaglias per Steingruber

Steingruber turna uschia cun in set cumplet da medaglias dal campiunadi d'Europa. Aur en la cumbinaziun da tuttas disciplinas, argient en il segl ed uss bronz en la gimnastica per terra.

5 medaglias per la Svizra

Tar ils umens aveva Christian Brägger gudagnà sonda bronz en la gimnastica per terra. La Svizra ha pia gudagnà en tut 5 medaglias a quest campiunadi d'Europa.

RR sportissimo 17:00

Artitgels legids il pli savens

Scrollar a sanestra Scrollar a dretga