Sco quai ch'ils ZSC Lions communitgeschan n'hajan ils responsabels betg vesÌ svilups persistents. Er l'ultima terrada (1:2 cunter il HCD) saja stà in'ulteriura rebattida, perquai hajan els decidì ina midada da trenader. Fin la fin da la stagiun surpiglia Arno Del Curto. L'Engiadinais da 62 onns era sa retratg sco trenader dal HCD la fin da november 2018. Quai suenter 22 onns vi da la banda dal Club da hockey da Tavau. Gia dal 1991 fin ils 1993 è Del Curto stà trenader dal ZSC. Tranter auter ha el festivà ils 17 da mars 1992 ina victoria legendara cu ils ZSC Lions han (sco «David») battì il grond favurit il HC Lugano (il «Goliath») en il quartfinal dals playoffs.
Assistent da Del Curto daventa Michael Liniger ch'era fin uss assistent tar ils GCK Lions.
RR novitads 14:00
