- Dominic Thiem dat la dumengia a Londra cunter Stefanos Tsitsipas per la trofea dals ATP Finals.
- En mintga cas datti in nov campiun tar il davos turnier da la stagiun.
- L'Austriac è stà en il mezfinal cunter il defensur dal titel Alexander Zverev pli ferm en las fasas decisivas.
La flaivlezza da Alexander Zverev en il mezfinal èn stads ses segunds services. Sis giadas ha il Tudestg da 22 onns duvrà in segund service en l'emprim set, e trais giadas ha el lura fatg in sbagl dubel. Suenter 53 minutas ha Dominic Thiem lura decis l'emprim set en sia favur.
E l'Austriac da 26 onns ha vinavant fatg pressiun, uschia che Zverev ha adina puspè fatg sbagls. En il segund set ha Thiem gudagnà il service da ses adversari – al 4:2. Bain ha Zverev lur anc gì duas schanzas da break, dentant el ha manchentà da realisar quellas.
Suenter 94 minutas era la victoria da 7:5 e 6:3 realitad per Thiem. Ed uschia frunta l'Austriac per la setavla giada en sia carriera sin Stefanos Tsitsipas. Thiem ha encunter il Grec ina bilantscha positiva da 4:2.
RR novitads 06:00
