Naziunal/Internaziunal - Aur per Bösch en il Big Air
Fabian Bösch ha gudagnà la concurrenza da notg en la disciplina da Big Air. La medaglia d’argient è ida al Svedais Henrik Harlaut e bronz al Canadais Alex Beaulieu-Marchand.
Per Fabian Bösch è quai gia il segund titel ad in campiunadi mundial. Gia il 2015 ha el pudì triumfar en il slopestyle.
audio
Mezdi: CM Big Air – Fabian Bösch
01:54 min, ord Sportissimo dals 03.02.2019.
laschar ir. Durada: 1 minuta 54 Secundas.
Frust tar las dunnas
Senza medaglias percunter èn restadas las dunnas. Sarah Höfflin è vegnida quarta e Mathilde Gremaud sisavla. Gudagnà la concurrenza da las dunnas ha la Franzosa Tess Ledeux, avant l’Americana Julia Krass e la Brita Isabel Atkin.