Siglir tar il cuntegn
cuntegn

Naziunal/Internaziunal Aur per Nino Schurter

Nino Schurter gudogna aur als Gieus europeics a Baku. Il Grischun da 29 onns ha gudagnà la cursa da Cross Country avant ses collegas d’equipa Lukas Flückiger e Fabian Giger uschia ch’i ha dà ina traidubla victoria per ils umens svizzers.

Il ciclist grischun, Nino Schurter gudogna aur als Gieus europeics a Baku.
Legenda: Il ciclist grischun, Nino Schurter gudogna aur als Gieus europeics a Baku. Keystone

Schurter ha attatgà a la fin da la 5avla runda. Davos il segunda dals gieus olimpics a Londra han Flückiger e Giger cumbattì per la medaglia d’argient. Gudagnà quella ha la fin finala il Bernais Lukas Flückiger. El ha gì in retard da 13 secundas en l’arrivada sin Nino Schurter. Il Songagliais Fabian Giger ha pers 33 secundas sin il victur ed è vegnì terz.

Gia trais uras avant avevi dà ina dubla victoria tar las dunnas. Là ha Jolanda Neff gudagnà aur avant sia cumpatriota Kathrin Stirnemann.

Sportissimo 17:00