Siglir tar il cuntegn
cuntegn

Naziunal/Internaziunal Aur per Petter Northug – plaz 6 per Cologna

Il passlunghist norvegiais Petter Northug gudogna aur en la disciplina roiala sur 50 kilometers al campiunadi mundial a Falun en Svezia.

Petter Northug
Legenda: Petter Northug va sco victur sur la lingia d'arrivada. Keystone

Petter Northug è il retg da Falun 2015. Il Norvegiais ha gudagnà quest suentermezdi la cursa roiala, ils 50 kilometers en il stil classic dal campiunadi mundial da ski nordic.

En il sprint final ha Northug la finala battì il Tschec Lukas Bauer. Bronz gudogna il defensur dal titel, il Svedais Johan Olsson.

Plaz 6 per Dario Cologna

Nagina medaglia hai dà per Dario Cologna. El ha cumbatti fin la fin, è adina stà en la gruppa da testa, sin ils davos meters n’ha el dentant betg pli pudì tegnair pitg cun ils sperts. Dario Cologna è la finala vegnì sisavel e sto uschia spetgar vinavant sin ses emprim triumf sur 50 kilometers.

RR novitads 16:00