L'equipa cun Max Heinzer, Benjamin Steffen, Michele Niggeler e Lucas Malcotti ha gudagnà la medaglia dad aur a Wuxi en la China. Uschia èn ils spadists svizzers per l'emprima giada en l'istorgia campiuns mundials.
Ordavant èn gartegiadas duas revanschas als Svizzers. Il team svizzer ha battì en il mezfinal il defensur dal titel e campiun olimpic la Frantscha. Quai cun 45:38. L'onn passà avevan ils Svizzers anc pers piz a cup il final dal campiunadi mundial cunter ils Franzos.
En il quartfinal ha la Svizra battì l'Italia cun 36:35. Avant in mais avevan els anc pers cunter il medem adversari il cumbat per la medaglia da bronz al campiunadi europeic.
RR novitads 15:00
