En la terza runda da l'Australian Open ha l’adversari da Stan Wawrinka, l’American John Isner, stuì dar si. Quai pervia d'ina blessura. Durant il segund set, cul stan actual da 4:6 e 1:4, ha l'American dì ch'el stoppia ceder.
Per Stan Wawrinka èsi l'emprima giada dapi l'onn 2017 ch'el è en ils otgavelfinals. Il proxim adversari da Stan Wawrinka vegn ad esser il victur tranter il Russ Daniil Medwedew e l’Australian Alexei Poyrin.
RTR novitads 10:00