Per il nummer 6 da la rangaziun mundiala Belinda Bencic è l’Australian Open a fin. La Svizra n'ha gì naginas schanzas cunter l’Estona Anett Kontaveit. Bencic perda en 2 sets cun 0:6 e 1:6. La partida ha be cuzà 49 minutas.
Suenter la partida ha Belinda Bencic dì, ch'ella n'haja insumma betg chattada la via en la partida. Ella manegia dentant er: «Uschia dis datti en la vitta d'in sportist». Sco proxim sa vul ella focussar sin il Fed Cup l'entschatta favrer.
video
Il highlights da la partida Bencic cunter Kontaveit
Or da Sport-Clip dals 25.01.2020.
laschar ir. Durada: 1 minuta 42 Secundas.
Tar ils ummens
Roger Federer ha ier cuntanschi ils otgavelfinals. Quai suenter ina partida fadiusa cunter John Millmann. Stan Wawrinka gioga oz a las 07:30 cunter John Isner dals Stadis Unids.
RTR novitads 06:00