Roger Federer ha cumenzà senza problems l'emprim turnier da Grand Slam da l'onn, l'Australian Open. Il Svizzer ha battì l'American Steve Johnson en trais sets cun 6:3, 6:2 e 6:2. Pervi da la plievgia ha il numer 3 dal mund terminà sia partida da partenza sut tetg serrà da l'arena Rod Laver.
Federer è partì en il turnier senza pratica da match. Il sisdubel victur dal turnier a Melbourne frunta en la proxima runda u sin il Serb Filip Krajiovic u il Franzos Quentin Halys.
Golubic e Teichmann gia out
Per las duas giugadras da tennis svizras, Jil Teichmann e Viktorija Golubic è l'Australian Open gia a fin. Teichmann ha pers cunter la Russa Jekaterina Alexandrova cun 4:6, 6:4 e 2:6.
Golubic ha stuì ceder cunter la Chinaisa Zhu Lin cun 6:4, 1:6 e 6:7.
RTR novitads 07:00