Sofia Kenin gudogna al Australian Open a Melbourne ses emprim Grand Slam. L'Americana da 21 onns ha battì en il final la Spagnola Garbiñe Muguruza en duas uras cun 4:6, 6:2 e 6:2. Per Kenin èsi l'emprima victoria ad in turnier da Grand Slam.
Cun 21 onns è l'Americana la pli giuvna victura da l'Australian Open dapi Maria Scharapowa il 2008 e l'otgavla giugadra ch'ha gudagnà ses emprim Grand Slam ils ultims trais onns. Per Muguruza èsi la segunda terrada en ses quart final ad in dals gronds turniers. Il 2016 aveva ella gudagnà il French Open a Paris, il 2017 il turnier da Wimbledon.
RTR novitads 12:00