Siglir tar il cuntegn

Header

cuntegn

Australian Open Terrada en il mezfinal per Federer

Per Roger Federer è l'Australian Open a la fin. Il Svizzer ha pers cunter il Serb Novak Djokovic en trais sets cun 6:7, 4:6 e 3:6. La partida n'è dentant betg stada uschè clera sco il resultat. Cunzunt l'emprim set avess Federer stuì decider en sia favur. Federer era gia suenter curt temp en avantatg cun 5:2, silsuenter ha Djokovic dentant betg pli laschà grondas schanzas al svizzer. Er il tiebreak è stà alura a la fin ina clera chaussa.

video
Ils highlights da la partida
Or da Sport-Clip dals 30.01.2020.
laschar ir. Durada: 3 minutas 23 Secundas.

Djokovic n'è betg l'adversari preferì da Federer

Per Federer èsi la 27avla terrada en il 50avel duel cunter Djokovic e la sisavla en seria tar in turnier da Grand-Slam. Dapi il mezfinal il 2012 a Wimbledon ha Federer pers mintga singula partida cunter il Serb ad in turnier grond, quatter en differents finals.

En il final frunta Djokovic sin il victur da la partida tranter il Tudestg Alexander Zverev ed il Austriac Dominic Thiem. Cunter omadus adversaris ha Djokovic ina bilantscha positiva. Il Serb ha gia gudagnà 7 giadas il final a Melbourne, tant sco anc nagin. Gudogna el la dumengia ses 17avel turnier da Grand-Slam è Djokovic puspè sin posiziun in en il ranking d'ATP.

RTR novitads 14:00

Artitgels legids il pli savens