- Dominic Thiem gudogna cunter Alexander Zverev en quatter sets cun 3:6, 6:4, 7:6 e 7:6.
- En il final da dumengia vegni tar il duel tranter l'Austriac ed il Serb Novak Djokovic.
- Per Dominic Thiem èsi l'emprima giada en sia carriera ch'el cuntanscha il final da l'Australian Open.
Per Alexander Zverev è il turnier en l'Australia a la fin suenter il mezfinal - anc mai aveva il Tudestg cuntanschì la runda dals megliers quatter tar in Grand Slam. Bain ha il giuven da 22 onns gudagnà l'emprim set cunter l'Austriac. Silsuenter è Dominic Thiem, ch'ha gia en il quartfinal eliminà il numer in dal mund Rafael Nadal, dentant stà memia ferms per Zverev.
Ils proxims trais sets èn tuts ids a favur da Thiem; 6:4, 7:6 e 7:6. En il final frunta Thiem sin Novak Djokovic. Il Serb, che ha eliminà en il mezfinal Roger Federer en trais sets, ha gia gudagnà sis giadas l'Australian Open - tantas giadas sco negin'auter.
RTR novitads 14:00
