Il numer 18 dal mund Timea Bacsinszky ha pers l'emprima partida dals B-Masters cunter l'indigena Zhang Shuai en be 57 minutas; quai cun 1:6 ed 1:6. Cunquai è Bacsinszky gia sut squitsch en il segund gieu da gruppa.
Gieu senza schanza
Durant tut las 57 minutas n'ha Timea Bacsinszky pudì engular nagin set, ed era betg pudì giugar ina balla da 'break'. Ussa gida mo anc ina victoria clera. Sche Bacsinszky perda era il proxim gieu da gruppa cunter l'Ungaria, lura n'ha la Svizra strusch pli schanzas da vegnir vinavant. Vinavant vegn numnadamain mo la victura da las gruppas da trais.
RR novitads 10:00