Bacsinszky cumenza French Open senza problems

Ella ha ademplì las spetgas: Timea Bacsinszky ha cuntanschì senza problems la segunda runda dals French Open. La Vadaisa è sa fatga valair visavi la Spagnola Silvia Soler-Espinosa cun 6:3 e 6:1.

La giugadra da tennis Timea Bacsinszky. Bild in Lightbox öffnen.

Legenda da maletgs: In bun cumenzament per Timea Bacsinszky. Keystone

Silvia Solier-Espinosa (WTA 126) n’è betg stada ina ferma contrahenta per Timea Bacsinszky (WTA 9). La Spagnola ha bain fatg dus breaks en l’emprim set (tar 1:0 e 3:2). Dentant ha la giuvna da Losanna purschì agid ad ella.

Silsuenter n’ha l’adversaria betg gì grondas schanzas cunter la Svizra, er perquai che ses repertori d’abilitads è limità en cumparegliaziun cun Bacsinszky. Dals ultims 11 gieus ha Bacsinszky gudagnà 10.

Bouchard è la proxima nusch

La proxim’adversaria da Timea Bacsinszky è gia enconuschenta. En la segunda runda fruna ella sin l’anteriur numer tschintg dal mund, Eugenie Bouchard dal Canada. Cunter Bouchard (WTA 47) ha la Svizra be giugà ina giada fin uss. Mez mars da quest onn aveva ella gudagnà cunter ella ad Indian Wells en trais sets.

RR novitads 14:00