Siglir tar il cuntegn

Header

cuntegn

Naziunal/Internaziunal Bacsinszky en il quart final ad Acapulco

La giugadra da tennis svizra Timea Bacsinszky (WTA 37) ha cuntanschì il quart final dal turnier ad Acapulco en il Mexico. Bacsinszky ha battì en la segunda runda l'ucranaisa Lesia Zurenko en dus sets cun 6:2 e 7:6 (7:4).

Timea Bacsinszky ch’è classada sco il numer 5 al turnier ad Acapulco ha realisà gist 7 breaks encunter Lesia Zurenko. Suenter exact 100 minutas è la victoria stada sut tetg en l’emprim duel cun il numer 92 dal mund.

En la proxima runda cun las meglras 8 giugadras frunta Timea Bacsinszky sin Johanna Larsson (WTA 56). Encunter la Svedaisa da 26 onns ha Bacsinszky gudagnà dacurt en dus sets al Fed Cup a Helsingborg.

RR novitads 08:00

Artitgels legids il pli savens