En la proxima runda dal French Open frunta Bacsinszky (WTA 24) sin la tscheca Tereza Smitkova (WTA 65).
L’ulteriura svizra Belinda Bencic dat cunter la slovaca Daniela Hantuchova.
Analisa dal French Open suenter 1. runda
Al French Open vegn cumbattì per il titel dal Grand Slam. Per la Svizra èn 5 giugaders e giugadras sin ils plazs da tennis. Roger Federer ha gia gudagnà ses emprim gieu, suenter è in fan currì sin il plaz da tennis per far in selfie cun el. Er Stan Wawrinka ha gì problems sper il plaz da tennis, el è numnadamain sa vilentà si sur d’in artitgel sin la pagina d’internet dal turnier. Suenter ch’il directur dal turnier è sa perstgisà tar ils dus giugaders per ils incaps para tut d’esser reglà ed ils Svizzers pon puspè sa concentrar sin il turnier. Il redactur da sport da Radio Rumantsch Ursin Lechmann ha analisà il French Open e vegn tar in cler facit: Novak Djokovic è il favurit dal French Open 2015.
RR novitads 16:00