Siglir tar il cuntegn

Header

Timea Bacsinszky
Legenda: Timea Bacsinszky giauda sia seria da victorias. Keystone
cuntegn

Naziunal/Internaziunal Bacsinszky sgola vinavant - cunter Halep gist en mezfinal

Al turnier da tennis en ils Stadis Unids a Miami cuntanscha la Svizra Timea Bacsinszky il mezfinal. Suenter la victoria cunter il numer 2 dal mund gudogna ella uss er cunter il numer 5 dal mund, la Rumena Simona Halep - quai cun 4:6, 6:3, e 6:2.

Sco gia il numer 2 dal mund, Agnieszka Radwanska, ha er il numer 5 dal mund da la rangaziun da WTA Simona Halep stuì conceder ina sperdita cunter la giugadra svizra.

Uschia ni uschia - ina Russa spetga sin la Svizra

Malgrà la partenza fallada ha Bacsinszky mantegnì la ruassaivladad. Suenter 2 uras e 28 minutas èsi lura stà cler ch’ella sa chatta en il mezfinal a Miami. Timea Bacsinszky batta si’adversaria cun 4:6, 6:3, 6:2.

Uss spetga la partida dal mezfinal. Fatg cler è gia che Bacsinszky frunta sin ina Russa: U sin Swetlana Kusnezowa (WTA 19) che ha battì Serena Williams, u sin Jekaterina Makarowa (WTA 31).

RR novitads 06:00

sda/alb