Siglir tar il cuntegn

Header

Fans da ballape avant il stadion.
Legenda: Ils fans da ballape da la Germania han stuì ir a chasa senza vesair il gieu amicabel. Keystone
cuntegn

Naziunal/Internaziunal Ballape: Abolì il gieu tranter la Germania e l'Ollanda

Il gieu da test a Hannover, tranter la Germania e l'Ollanda è ditg giu pervi da motivs da segirtad. Tenor il president da la polizia da Hannover hajan els gì indizis concrets ch'insatgi veglia envidar ina chargia explosiva en il stadion.

Il gieu avess cumenzà las 20:45. Las 19:15 ha la polizia communitgà, ch'il gieu saja ditg giu. Sur ils autpledaders dal stadion ha la polizia communitgà che la glieud duai bandunar il stadion, il gieu na vegnia betg giugà. La glieud duai restar calma, i na dettia nagin privel. Lura era anc betg blera glieud en il stadion.

La polizia ha augmentà sia preschientscha en la citad.

Blers giasts d'auta posiziun

Al gieu da ballape avessan era prendì part la chanceliera tudestga Angela Merkel, il vize-chancelier Sigmar Gabriel, il minister da l'intern Thomas de Maizière ed auters giasts d'auta posiziun. Pliras limusinas han bandunà suenter l'aboliziun il sectur enturn il stadion.

L'equipa naziunala tudestga era sin via en il stadion, è lura dentant returnada.

RR novitads 20:00