Siglir tar il cuntegn

Header

Navigaziun

cuntegn

Ballape Alain Nef terminescha carriera

Alain Nef terminescha sia carriera. Il sportist da 37 onns vegn a giugar sonda cunter Son Gagl ses davos gieu per il club da ballape da Turitg.

Cun Nef chala ina figura d'identificaziun dal FCZ. Nef, che ha era giugà en l'exteriur e curtamain tar YB è daventà cun il FCZ ina giada campiun ed ha gudagnà quatter giadas la cuppa svizra.

Suchy banduna FCB

Il capitani dal club da ballape da Basilea, Marek Suchy, banduna il FCB. Il giugader da 31 onns da la Tschechia na vegn betg a prolungar il contract che va a fin questa stad.

Suchy ha giugà 223 giadas per il FCB, è daventà quatter giadas campiun svizzer ed ha gudagnà duas giadas la cuppa svizra, la davosa giada la dumengia passada. Latiers ha Suchy giugà quatter campagnas da la Champions League cun Basilea.

RR novitads 14:00