- Champions League: A Lissabon vegn dà ina runda finala en ina furma reducida. Las meglras 8 equipas giogan en ina fasa da k.o. sulettamain ina partida in cunter l'auter, sumegliant sco a campiunadis mundials. Il final è lura ils 23 d'avust.
- Europa League: Giugà vegn en il medem format sco la Champions League. Ils gieus èn tuts en Germania, a Cologna, Düsseldorf, Duisburg e Gelsenkirchen. Il final è ils 21 d'avust a Cologna. Anc da la partida è il club da ballape da Basilea ch'ha bunas schanzas da sa qualifitgar per il quartfinal.
- EURO: Il campiunadi ch'è vegnì spustà sin il 2021 vegn ad avair lieu sco previs en 12 differentas citads europeicas.
La Svizra vegn pia a giugar sias partidas al campiunadi europeic a Baku ed a Roma. Il campiunadi cumenza ils 11 da zercladur 2021 cun la partida tranter l'Italia e la Tirchia a Roma. In di pli tard dat la Svizra cunter la Valisa a Baku. En las ulteriuras partidas frunta la Svizra ils 16 da zercladur a Roma sin l'Italia ed ils 20 da zercladur a Baku sin la Tirchia. Il final è ils 11 da fanadur a Londra.
