En il Lai da Como han ins chattà la bara da la ballapedista dad YB e da la naziunala svizra, Florijana Ismaili. Cun agid d'in roboter hajan gidanters scuvrì la bara en ina profunditad da 204 meters, annunzia l'agentura da novitads taliana Ansa.
La sportista da 24 onns era siglida la sonda d'ina bartga en il Lai da Como senza puspè vegnir a la surfatscha. Dapi il 2014 fascheva Florijana Ismaili part da la squadra naziunala svizra da ballape.
RR novitads 20:00