Siglir tar il cuntegn

Header

cuntegn

Ballape da las dunnas Seraina Friedli mida tar Florentia San Gimignano

En la carriera da la giuvna engiadinaisa ch'è goli, Seraina Friedli vai spert: Ella mida la stad en la seria A taliana tar Florentia San Gimignano. Las davosas duas stagiuns ha Seraina Friedli dà en il gol da l’equipa da las dunnas dals Young Boys da Berna. La davosa stagiun perfin sco capitani da l’equipa.

Da Samedan en Toscana

Ils pass en la carriera da Seraina Friedli èn gronds. Suenter che Friedli ha dà las davosas duas stagiuns tar l’equipa da las dunnas dals Young Boys da Berna, mida il goli oriundamain da La Punt tar Florentia. L’equipa ch'è da chasa tranter Firenza e Siena è vegnida fundada avant tschintg onns.

Suenter las emprimas partidas en las ligas pli bassas ha la squadra fatg mintga onn il pass ina liga pli aut. Dapi l’onn 2018 dat la squadra en la pli auta liga da ballape taliana, la serie A. En la serie A tutga Florentia actualmain tar las meglras tschintg equipas. Mo las equipas grondas sco Juventus, Milan e Roma èn per il mument anc pli fermas che Florentia.

Emprim tar ils Lusitanos ed uss en top equipa taliana

Ils emprims campiunadis ha Seraina Friedli dà cun ils Lusitanos da Samedan. Da là è il viadi i vinavant en emprima liga tar las dunnas da Tusaun-Cazas. Suenter dus onns en la pli auta liga da ballape da las dunnas en il Grischun ha Friedli alura savì far il pass tar las dunnas dal FCZ. Cun il campiun da record ha Seraina Friedli gudagnà tschintg giadas il titel naziunal e quatter giadas la cuppa Svizra. Pervi dal studi da sport e psicologia ha l’Engiadinaisa fatg il pass tar l’equipa da las dunnas dals Young Boys a Berna.

Cun il midament uss en l’exteriur fa Seraina Friedli in ulteriur pass impurtant era sin livel internaziunal. Dapi quatter onns dat ella era per l’equipa naziunala Svizra e gist en l’equipa naziunala valian questas experientschas aur.

video
La Olá Challenge - Ballape
Or da RTR Social dals 04.11.2019.
laschar ir

RTR actualitad 12:00

Artitgels legids il pli savens

Scrollar a sanestra Scrollar a dretga