Ernesto Valverde n'è betg pli trenader dal FC Barcelona. Quatter dis suenter la terrada da 2:3 cunter Atletico Madrid en il mezfinal da la cuppa spagnola, sa separa il club dal trenader da 55 onns.
Valverde ha trenà Barcelona dapi il 2017. Cun el sco trenader è Barcelona vegnì duas giadas campiun spagnol ed ha gudagnà mintgamai ina giada il buccal spagnol e la cuppa spagnola.
A Valverde succeda Quique Setién ch’ha suttascrit in contract enfin la fin da la stagiun 2021/22. Dapi la stad passada na trenescha Setién nagin club. Tranter 2017 ed il 2019 è el stà il trenader da Betis Sevilla.
Ord l'archiv da SRF:
audio
FC Barcelona – in club fundà il 1899 dal Svizzer Hans Gamper
ord Tageschronik dals 29.11.2016.
Maletg: zvg
laschar ir. Durada: 3 minutas 26 Secundas.RTR novitads 06:00