Celestini era dapi l'october 2018 trenader da Lugano. Igl è stà sia segunda staziun sco trenader. Contract avess el gì fin il 2021. Anc il 2017 era Celestini vegnì onurà da la Swiss Football League sco «Best Coach» perquai ch'el aveva manà la stad 2016 Lausanne-Sport suenter dus onns puspè en la Super League. Avant Celestini eran cun Andrea Manzo, Paolo Tramezzani, Pierluigi Tami e Guillermo Abascal nagins trenaders stads pli ditg che otg mais en uffizi.
Il FC Lugano spera uss sin il trenader da l'AC Bellinzona. Maurizio Jacobacci ha 56 onns ed ha trenà l'onn passà il FC Sion. Il Bernais è dapi il 1995 activ en Svizra ed en l'exteriur sco trenader professiunal da ballape.
RR novitads 06:00