Lara Dickenmann dat adia a l'equipa naziunala svizra da ballape. Quai ha la chapitania da 33 onns communitgà oz. Dickenmann è giugadra da record per la naziunala svizra. En 135 gieus ha ella sajettà 53 gols. La Lucernaisa, ch'è naschida a Kriens è pliras giadas vegnida undrada sco meglra giugadra da ballape svizra.
Suenter avair surventschì ina ruptura dal liom cruschà vul ella mo pli sa concentrar sin ses club, il VfL Wolfsburg. Tar il club da la Germania ha Dickenmann in contract che cuzza anc 2 onns.
RR novitads 14:00
