Raiffeisen n’è a partir dal zercladur 2021 betg pli sponsur dal titel da la Super League. Suenter otg onns vegnia la banca a terminar ses engaschi. Quai ha communitgà la gruppa da bancas. Nov sponsur principal ed empresta-num daventa la banca gronda Credit Suisse. Quai almain per quatter stagiuns.
La CS augmentia uschia ses engaschi per il ballape svizzer. Gia dapi 25 onns sustegna ella l’Associaziun svizra da ballape. E la Raiffeisen veglia percunter vinavant s’engaschar per il sport d’enviern.