La Columbia e l'Argentina han surpassà l'equipa da Vladimir Petkovic. Cun quai n'è la Svizra per l'emprima giada dapi dus onns betg pli en ils top 10.
Glista da rangaziun mundiala da la FIFA (fanadur 2019)
1. (mais precedent: 1.) Belgia
2. (3.) Brasilia
3. (2.) Frantscha
4. (4.) Engalterra
5. (8.) Uruguai
6. (5.) Portugal
7. (6.) Croazia
8. (13.) Columbia
9. (7.) Spagna
10. (11.) Argentina
11. (9.) Svizra
Anc adina è la naziunala da la Belgia a la testa. Brasilia, il nov campiun da la Copa-America ha stgatschà il campiun mundial dal segund plaz. Il pli grond sigl ha dumagnà la naziunala da Algeria ch'è avanzada 28 posiziuns ed è uss sin il 40avel plaz.
Glista da rangaziun mundiala da la FIFA
Avrir la boxSerrar la box
La FIFA actualisescha adina puspè la rangaziun mundiala suenter eveniments pli gronds, pia uss er suenter la Cuppa-Africa e la Cuppa-America. Tras quella glista duaja esser pussibel da cumparegliar regularmain la fermezza da las differentas equipas ch'èn activas sin il palc internaziunal. Tranter auter vegn questa glista er tratga natiers per trair la sort da las differentas gruppas tar in campiunadi.